ଦେବି ନାହିଁ  ଜାଣିବାକୁ 
ଭଲ ପାଏ ବୋଲି ମୁଁ ତୁମକୁ ,
ବୁଝି ଗଲେ ବୁଝି ଯିବ
ନ ବୁଝିଲେ ନୀରବ ରହିବି ,
ମନ ଭରି ଭଲପାଉ ଥିବି  ।
 
ଲୋଡା ନ।ହିଁ  ବଦଳରେ କିଛି 
ସ୍ନେହ , ଶ୍ରଦ୍ଧା, ପ୍ରେମ ଅବା ପ୍ରିତି ,
ଖୋଲା ଦେହେ ହାଲୁକା ମନରେ 
ଚାଲି ଯିବି ଏକା ନଈ କୂଳେ । 
 
ମୋ ପ୍ରେମର ମୂଲ ନ।ହିଁ  
ଦେବା ପାଇଁ ପ୍ରତି ଦାନେ କିଛି ,
ରାସ୍ତା ଘାଟେ ଦେଖା ହେଲେ 
କେବେ ବା କେମିତି,
ବାଟ ମୋଡି ଚାଲିଯିବି , ନ ଦେଖାଇ ଛାତି ।
 
ଚାହିଁବି ନି ବାଟ ମୋଡି 
ଆଖି କୋଣେ କାଳେ ନେବ ଦେଖି ।
ଲୁଚାଇବି ଆଖିର ଲୁହକୁ,
ଜାବୁଡି ଧରିବି ମୋର ଛତିର  କୋହକୁ । 
ଚାପା ହସେ ମଲମ ଲଗାଇ
ଶୁଖାଇବି ପୁରୁଣା ଘା କୁ ।
 
ଖୋଜି ନେବି ମୁଁ ତୁମକୁ
ଆଖି ମେଲି , ଚିରି ଖୋଲି ମୋ ଏ ଦେହକୁ ,
ଭଲ ପାଇ ଖୁସି ହେବି ମନକୁ ମନକୁ , 
କି ଲାଭ ଚାହିଁବାରେ  ଅଲୋଡା ପ୍ରେମକୁ॥