ଖୋଜି ଚାଲେ ନିଜକୁ

ଅଜଣା ମୁହଁରେ ,

ଅସ୍ପଷ୍ଟ ଶବ୍ଦରେ ,

ଅନାବନା ଅସଜଡା ବଣୁଆ ରାସ୍ତାରେ ।

ଅନେକ ଥର ମୋ ହାତ ମୁଠାରେ ,

ଚାରିପାଖେ ଥିଲାପରି ଭାବେ ,

ସମ୍ପର୍କର ପତଳା ସୂତାରେ

ବାନ୍ଧିରଖେ ,

ବୋଧହୁଏ ପାଇଯାଏ

ହୁଏତ ନ ପାଇଲା ପରି ,

ଜାଣେନା, ଆମେ କଣ ଅଲଗା ସୃଷ୍ଟିର ।

ତୁମ ପରିଚୟରେ କାହିଁ ବା ସତ୍ୟତା ?

ପ୍ରେମର ନଥିଲା ଆଧାର ,

ଦେଖିବାକୁ ତୁମ ଦେହେ ମୋର ଏ ଚେହେରା

ତୁମକୁ ମୁଁ କରିଥିଲି ଆଶ୍ରା,

ଚିହ୍ନିବାକୁ ଅସ୍ତିତ୍ଵ ନିଜର ।

ଗଡିଚାଲେ ସମୟର ରଥ

ବିକଟାଳ ଗରଜନ କରି ,

ଗୋଟେ ପରେ ଗୋଟେ ଜାଲ ଡେଇଁ

ପାରିଥିଲେ ଆମେ ବଞ୍ଚି କୁମ୍ଭୀର ପାଟିରୁ ,

ଫେରିବାକୁ ସଂପର୍କର ଆଉ ଏକ ଜାଲେ ।