ଦେଖି ନିଏ ମୋ ଗାଁ ନଈ

କାଶତଣ୍ଡି ଫୁଲ ,

ପକ୍ଷୀଙ୍କର କଳରୋଳ,

କେଉଟର ମାଛଧରା ,

କାତ ହାତେ ନାଉରିଆ ,

ବାଦଲ ଉହାଡେ ନତ

କଅଁଳିଆ ଖରା ।

ଫେରି ଲେଣି କାନ୍ଧେ ହଳ

ବିଲରୁ କୃଷକ ,

ଗୋଧୂଳି ଉଡାଇ ଦୂରୁ

ଆସନ୍ତି ଗୋ- ପଲ ।

ଅମାନିଆ ପିଲାସବୁ ପଡିଆ ଗୋଚରେ ,

ନ।ହିଁ  ଇଚ୍ଛା ଫେରିବାକୁ ,

ବୋଉ ର  ଡାକରେ ।

ସଞ୍ଜ ସଞ୍ଜୁଆ ପବନକୁ

ଆସିଲାଣି ମେଘ,

ନଡା ଘର ଅସଜଡା ,

ଏଣେ ତେଣେ ଜିନିଷ ପତର ,

ଚୁଲା ଜାଳି ଘେରି ଥିଲେ ଘରେ

ଗପ ସପ  ନୂଆବୋଉ ସଙ୍ଗେ ।

ଦେଖି ନିଏ ପୁଣି କେବେ ଦେଖା ,

ବଦଳିଛି ମୋ ଗାଁ ର ଛବି ,

ଥାଇ ବି ନ ଥାଉ ଏଠି ,

ଦେଖି ବି ଦେଖୁନା ଆଜି,

ନଈ ପଠା କାଶତଣ୍ଡି ଫୁଲ ।