ଖୋଜି ଚାଲେ ନିଜକୁ,

ଅଜଣା ମୁହଁରେ,

ଅସ୍ପଷ୍ଟ ଶବ୍ଦରେ,

 ଅନାବନା ଅସଜଡ଼ା ବଣୁଆ ରାସ୍ତାରେ।

ଅନେକ ଥର ମୋ ହାତମୁଠାରେ,

ଚାରିପାଖେ ଥିଲାପରି ଭାବେ,

ସଂପର୍କର ପତଳା ସୂତାରେ

ବାନ୍ଧି ରଖେ,

ବୋଧହୁଏ ପାଇଯାଏ

ହୁଏତ ନ ପାଇଲା ପରି,

ଜାଣେନା ଆମେ କଣ ଅଲଗା ସୃଷ୍ଟିର।

ତୁମ ପରିଚୟରେ କାହିଁବା ସତ୍ୟତା?

ପ୍ରେମର ନଥିଲା ଅଧାର.

ଦେଖିବାକୁ ତୁମ ଦେହେ ମୋର ଏ ଚେହେରା

ତୁମକୁ ମୁଁ କରିଥିଲି ଆଶ୍ରା,

ଚିହ୍ନିବାକୁ ଅସ୍ତିତ୍ବ ନିଜର।

ଗଡିଚାଲେ ସମୟର ରଥ,

ବିକଟାଳ ଗରଜନ କରି

ଗୋଟେ ପରେ ଗୋଟେ ଜାଲ ଡେଇଁ

                                                                    ପାରି ଥିଲେ ଆମେ ବଞ୍ଚି କୁମ୍ଭୀର ପାଟିରୁ,

ଫେରିବାକୁ ସଂପର୍କର ଆଉ ଏକ ଜାଲେ।

------